«Мектепке жол»

2019-2020 оқу жылы республикада көмекке мұқтаж балаларды барынша қамту мақсатында «Мектепке жол» қайырымдылық акциясы шілде айынан басталды. 

«Ата мекенім» қоғамдық қорының қолдауымен «www.atamekenim.kz» порталында көмекке мұқтаж ата-аналар өз өтінімдерін қалдыра алатын «Мектепке жол» платформасы құрылды. Өз кезегінде демеушілер мен меценаттар ақшалай қаражатты онлайн аудара отырып осы портал арқылы көмек көрсету бойынша өз ниеттерін жүзеге асыра алады және бұл платформа жыл бойы жұмыс жасайды. Ата-аналардан немесе оларды алмастырушы тұлғалардан түскен өтініштер ұлттық білім беру дерекқорының мәліметтерімен салыстырылатын болады, одан кейін көмек атаулы түрде бөлінеді. Сонымен қатар көмек көрсетудің дәстүрлі әдістері жалғасып, балалардың құқықтарын бұзу фактілері бойынша жедел әрекет ету және шаралар қабылдау үшін «Телеграмм» мессенджерінде «BALA QORGAY» (https://t.me/bala_qorgau) чаты құрылды.