Кәсіптік бағдарлау

Мектебіміздің түлегі, қазіргі кезде Ш.Уалиханов атындағы Кадет колледжінің 2-курс студенті Горн Владимир жоғары сыныптың ұлдарын жинап, колледж туралы толық мағлұмат беріп, мамандық таңдау алды жұмысын жүргізді. Аталмыш іс-шарада мектеп директоры Рахимжанов Т.С. және Владимирге әскери мамандықты таңдауға бағыт беріп, қолдау көрсеткен АӘТД мұғалімі Абжанов Н.Д., тәрбие ісінің меңгерушісі Канафина С.К. болды. Оқушылар берілген ақпаратты мұқият тыңдап, қызығушылық білдіріп, сұрақтар қойды.Мектеп директорына Ш.Уалиханов әскери колледждің бастығы Е.Е.Нұржановтың алғыс хаты табысталды. Онда Владимирдің қазіргі таңда әскери колледждің мақтанышы екені, қызметтік борышын адал атқарып жүргендігі айтылған.Мектеп ұжымы осындай мақтан тұтарлық түлектерімізге ризашылық білдіреміз.